دنیا کا انوکھا جزیرہ جہاں انسانوں سے کہیں زیادہ دیوہیکل کچھوے آباد ہیں

الڈابرا: سیشلز کے الڈابرا جزیرے پر دیوہیکل کچھوؤں کی تعداد کے نئے سائنسی تخمینے نے ماہرین کو ان کی طویل مدتی بقا کے بارے میں امید دلائی ہے۔
سیشلز آئی لینڈز فاؤنڈیشن اور یونیورسٹی آف ایکسیٹر کی تحقیق کے مطابق جزیرے پر بالغ اور نیم بالغ دیوہیکل کچھوؤں کی تعداد تقریباً ایک لاکھ 83 ہزار تک پہنچ سکتی ہے۔ تحقیق میں 2018 سے 2022 کے دوران جمع کیے گئے اعداد اور سائنسی ماڈل استعمال ہوئے۔
انیسویں صدی میں شکار اور دیگر انسانی سرگرمیوں کے باعث اس نسل کی تعداد بہت کم رہ گئی تھی۔ ماہرین نے خبردار کیا ہے کہ موسمیاتی تبدیلی، خشک سالی اور بیرونی جانور اب بھی کچھوؤں کے انڈوں اور قدرتی ماحول کے لیے خطرہ ہیں۔