آن لائن اشتہارات کے ذریعے نگرانی، اسرائیلی کمپنی پر الزامات

آن لائن اشتہارات کے نظام کو صارفین کی نگرانی کے لیے استعمال کرنے سے متعلق نئی تحقیقات میں اسرائیلی اشتہاری ٹیکنالوجی کمپنی ڈسکور ٹیک کا نام سامنے آیا ہے۔ محققین نے بتایا ہے کہ اشتہاری نیٹ ورکس کے ذریعے ویب سائٹس اور موبائل ایپس استعمال کرنے والوں کو نشانہ بنایا جاسکتا ہے۔

کینیڈا کے تحقیقی ادارے سٹیزن لیب اور اشتہاری سکیورٹی کمپنی کنفائنٹ کی تحقیقات میں ڈسکور ٹیک کے نیٹ ورک اور جاسوسی سافٹ ویئر فراہم کرنے والی کمپنیوں کے ممکنہ تعلقات کا جائزہ لیا گیا۔

تحقیق کے مطابق متعلقہ اشتہاری نظام ایک لاکھ 20 ہزار سے زائد ویب سائٹس اور تقریباً 75 ہزار موبائل ایپس تک پہنچا۔ بعض اشتہارات کو مخصوص صارفین کی شناخت اور نگرانی میں استعمال کرنے کے الزامات سامنے آئے ہیں۔

اسرائیلی اسپائی ویئر کمپنی کینڈیرو کو امریکی حکومت نے 2021 میں بلیک لسٹ کیا تھا۔ محققین نے اشتہارات کے نظام کے غلط استعمال سے پیدا ہونے والے رازداری کے خطرات کی نشاندہی کی ہے۔