خشک اور بے جان بالوں کو نرم و ملائم بنانے کا آسان گھریلو نسخہ، صرف چند اجزا کافی

خشک، بے جان اور ٹوٹتے بالوں سے پریشان افراد کے لیے کیلے سے تیار کردہ گھریلو ہیئر ماسک بالوں کی دیکھ بھال کا ایک آسان اور کم خرچ طریقہ ہوسکتا ہے۔

کیلے میں پوٹاشیم، میگنیشیم، وٹامن سی اور دیگر غذائی اجزا پائے جاتے ہیں، جبکہ اس کا نرم گودا بالوں کو ملائم محسوس کرانے میں مدد دے سکتا ہے۔

**کیلے اور دہی کا ماسک:** دو پکے ہوئے کیلے مناسب مقدار میں دہی کے ساتھ بلینڈ کرکے بالوں پر لگائیں اور تقریباً 15 منٹ بعد اچھی طرح دھولیں۔

**کیلا اور شہد:** کیلے کے گودے میں شہد ملا کر تیار کردہ ماسک بالوں کو نرم بنانے کے لیے استعمال کیا جاسکتا ہے۔ اسے 15 منٹ بعد دھو لیں۔

**کیلا اور ایلوویرا:** دونوں اجزا کا پیسٹ تیار کرکے 15 سے 30 منٹ تک بالوں پر لگایا جاسکتا ہے، جس کے بعد ہلکے شیمپو سے دھولیں۔

اسی طرح کیلے اور ایواکاڈو کا ماسک بھی بالوں کی نرمی کے لیے استعمال کیا جاتا ہے۔

تاہم ماہرین کے مطابق ان گھریلو نسخوں سے بالوں کا جھڑنا رکنے یا دوبارہ نشوونما شروع ہونے کے ٹھوس سائنسی شواہد محدود ہیں۔ حساس جلد والے افراد کو استعمال سے پہلے احتیاط کرنی چاہیے۔