واشک میں سیکیورٹی فورسز کی کارروائی، 5 افراد ہلاک

واشک: بلوچستان کے ضلع واشک میں سیکیورٹی فورسز کی انٹیلی جنس معلومات کی بنیاد پر کی گئی کارروائی میں پانچ افراد ہلاک ہوگئے۔ پاک فوج کے شعبہ تعلقات عامہ (آئی ایس پی آر) کے مطابق کارروائی 12 اور 13 اکتوبر کی درمیانی شب کی گئی۔

فوجی ترجمان نے بتایا کہ علاقے میں مسلح افراد کی موجودگی کی اطلاع پر ایک ٹھکانے کو نشانہ بنایا گیا۔ کارروائی کے دوران اسلحہ، گولہ بارود اور دھماکا خیز مواد برآمد کرنے کا بھی بتایا گیا ہے۔

آئی ایس پی آر نے ہلاک افراد کو دہشت گرد قرار دیتے ہوئے ان کے مبینہ بیرونی روابط کا ذکر کیا ہے۔ فوجی ترجمان کے مطابق علاقے میں مزید تلاشی کی کارروائی بھی کی گئی۔