بلدیاتی حکومتوں کو مکمل اختیارات دیے جائیں، وفاقی وزیر احسن اقبال

اسلام آباد: وفاقی وزیر منصوبہ بندی و ترقی احسن اقبال نے ملک میں بااختیار بلدیاتی حکومتوں کے قیام کی حمایت کرتے ہوئے کہا ہے کہ انتظامی اصلاحات کے لیے قومی اتفاق رائے ضروری ہے۔

اسلام آباد میں پاکستان کی انتظامی تنظیم نو سے متعلق قومی مباحثے سے خطاب کرتے ہوئے احسن اقبال نے کہا کہ بلدیاتی حکومتوں کو مکمل اختیارات ملنے چاہییں تاکہ مقامی سطح پر حکومتی نظام مؤثر بنایا جاسکے۔

انہوں نے کہا کہ مضبوط بلدیاتی ادارے نئی سیاسی قیادت کی تربیت اور اسے آگے آنے کے مواقع فراہم کرنے میں بھی اہم کردار ادا کرسکتے ہیں۔

اس موقع پر وفاقی وزیر قومی صحت مصطفیٰ کمال نے بھی اختیارات نچلی سطح تک منتقل کرنے کی ضرورت پر زور دیا۔

قومی مباحثے میں ملک کے انتظامی ڈھانچے اور اختیارات کی نچلی سطح تک منتقلی سے متعلق تجاویز زیر بحث آئیں۔ تاہم اجلاس میں کسی نئی انتظامی تقسیم یا صوبے کے قیام کی منظوری کا اعلان نہیں کیا گیا۔